Nikolay Patruşev: Əmək miqrantlarından ekstremizmin qızışdırılması üçün istifadə edirlər
Moskva, 13 aprel, AZƏRTAC
Rusiyanın Şimali Qafqaz Federal Dairəsində ekstremist xarakterli cinayətlərin sayı son bir ildə üç dəfə artıb.
AZƏRTAC xəbər verir ki, bu barədə Rusiya Təhlükəsizlik Şurasının katibi Nikolay Patruşev Nalçikdə təhlükəsizlik məsələlərinə həsr olunmuş müşavirədə məlumat verib.
Onun sözlərinə görə, regionda ekstremizmlə mübarizə sahəsində vəziyyət mürəkkəb olaraq qalır.
N.Patruşevin fikrincə, xarici QHT-lər əmək miqrantlarından milliyyətçilik və separatizmin, dini və sosial qarşıdurmanın qızışdırılması üçün istifadə edirlər.
O əlavə edib ki, xarici xüsusi xidmət orqanları Şimali Qafqazda terrorçu, milliyyətçi və radikallardan ibarət qruplaşmaları fəallaşdırırlar.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
