Nizami Kino Mərkəzi milli filmlərimizin pulsuz nümayişinə başlayır VİDEO
Bakı, 31 mart (AZƏRTAC). Martın 31-dən etibarən Nizami Kino Mərkəzində hər bazar ertəsi, çərşənbə və cümə günləri Azərbaycan milli filmlərinin pulsuz nümayişi başlanılır.
Nizami Kino Mərkəzindən AZƏRTAC-a bildirmişlər ki, məqsəd tələbə və gənclərin milli filmlərimizə marağının artırılması, ekran əsərlərində əks etdirilən millətimizə xas adət-ənənələrlə yaxından tanış olmaları, onların vətənpərvərlik ruhunda yetişməsinə dəstək verilməsidir.
Bundan əlavə, Nizami Kino Mərkəzinin layihəsində Azərbaycanın tarixi və tanınmış simaları haqqında filmlərin nümayişi də nəzərdə tutulmuşdur.
Filmlərin seansları haqqında informasiyanı Nizami Kino Mərkəzinin “Facebook” səhifəsindən öyrənmək mümkündür. https://www.facebook.com/NizamiCinema?rf=hl
Bölmənin digər xəbərləri
