Normativ hüquqi aktlarla bağlı Konstitusiya Qanununa dəyişiklik edilib
Bakı, 8 iyul, AZƏRTAC
Milli Məclis “Normativ hüquqi aktlar haqqında” Konstitusiya Qanununda dəyişiklik edilməsi barədə Konstitusiya qanununun layihəsini üçüncü oxunuşda təsdiqləyib.
AZƏRTAC xəbər verir ki, sənəd layihəsi parlamentin iyulun 8-də keçirilən iclasının gündəliyinə daxil edilib.
Belə ki, Milli Məclis Konstitusiyanın 156-cı maddəsini rəhbər tutaraq “Normativ hüquqi aktlar haqqında” Konstitusiya Qanununa dəyişiklik edib. Dəyişikliyə əsasən, həmin Konstitusiya Qanununun 2.10-cu maddəsindən “III,” rəqəmi çıxarılıb. Bu düzəliş “Normativ hüquqi aktlar haqqında” Konstitusiya Qanununun əvvəlki redaksiyalarının dərc olunduğu rəsmi mənbələrdə, xüsusilə 2011-ci il Qanunvericilik Toplusunun № 2, maddə 69 (Cild I) və 2024-cü il Toplusunun № 10, maddə 1109 nömrəli buraxılışlarında qeyd olunub.
Qeyd edilən dəyişiklik normativ hüquqi aktların hüquqi qüvvə iyerarxiyasına və ya tətbiq dairəsinə dair texniki dəqiqləşdirmə kimi qiymətləndirilə bilər və normativ aktların sistemləşdirilməsi baxımından əhəmiyyət daşıyır.
Bölmənin digər xəbərləri
