Ödəniş statistikası hesabatlılığının təkmilləşdirilməsi istiqamətləri müzakirə edilib
Bakı, 6 noyabr, AZƏRTAC
Azərbaycan Mərkəzi Bankı tərəfindən “Ödəniş statistikası hesabatının tərtibi və təqdim edilməsi haqqında Təlimat”ının tələbləri çərçivəsində bankların təqdim etdiyi ödəniş statistikası hesabatlılığının təkmilləşdirilməsi məqsədilə yeni hesabatlılıq formalarının layihəsi hazırlanıb.
Azərbaycan Banklar Assosiasiyasından (ABA) AZƏRTAC-a bildirilib ki, layihəyə bankların rəqəmsal ödənişlər və digər aidiyyəti sahələrdə çalışan əməkdaşları tərəfindən baxılıb, müvafiq qaydada rəy və təkliflər irəli sürülüb. Bununla yanaşı, ABA-nın nəzdində fəaliyyət göstərən “Ödəniş sistemləri və rəqəmsal bankçılıq” ekspert qrupunun daxilində yaradılmış kiçik işçi qrupu tərəfindən layihəyə baxılıb, layihə, irəli sürülən rəy və təkliflərin Mərkəzi Bankın nümayəndələri ilə müzakirəsi aparılıb. Yeni təqdim edilən hesabatlılıq formaları ödəniş ekosistemi haqqında daha dəqiq və təfərrüatlı məlumatların əldə olunmasına imkan verəcək.
Bölmənin digər xəbərləri
