Oksford Universiteti qul ticarəti ilə məşğul olmuş iş adamının heykəlini götürəcək
London, 18 iyun, AZƏRTAC
Oksford Universiteti Oriel Kollecinin rəhbərliyi qul ticarəti ilə məşğul olmuş iş adamı Sesil Rodsun (1853-1902) heykəlinin götürülməsini istədiklərini açıqlayıb. Bildirilib ki, bu məsələ araşdırma komissiyasında müzakirə ediləcək. Müzakirələr zamanı qaradərili, Asiya mənşəli və etnik azlıqlardan olan tələbələrin sayının artırılması üçün də müəyyən qərarlar veriləcək.
Xatırladaq ki, iyunun 10-da Oriel Kollecinin qarşısında keçirilmiş mitinqdə etirazçılar Sesil Rodsun heykəlinin götürülməsi tələbini səsləndiriblər. Kollec tələbələri dörd ildir ki, bu heykəlin sökülməsi üçün təbliğat aparırlar.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
