OLİMPİADANIN AÇILIŞ MƏRASİMİNİN SSENARİSİ ƏLƏ KEÇİRİLMİŞDİR
Britaniya qəzetinin məlumatına görə, avqustun 13-də yerli vaxtla düz saat 22.45 dəqiqədə Afinanın baş Olimpiya stadionunda 400 təbilçi oyunların başlanmasına 40 saniyə qaldığını təbillərə 40 zərbə endirməklə bildirəcəkdir. Sonra nəhəng bir kometa səmaya buraxılacaqdır. O, bir müddət böyük gölə çevrilən stadiona işıq saçacaqdır. Tamaşaçılar suyun səthi ilə səhnəyə doğru qayıq sürən oğlan uşağı görəcəklər. Səhnədə onu Yunanıstan Prezidenti Konstantin Stefanopulos qarşılayacaqdır. Bundan sonra Yunanıstanın bayrağı qaldırılacaq və milli himni səslənəcəkdir.
Mərasimdə antik mifologiyanın 400-dən çox personajı iştirak edəcəkdir.
Olimpiya oyunlarının iştirakçısı olan komandalar 90 dəqiqə ərzində tamaşaçıların qarşısından ötəcək, Olimpiya məşəlinin keçdiyi ölkələrin sayını göstərən 36 fiqur havaya buraxılacaqdır.
Açılış mərasimi təxminən 3 saat davam edəcəkdir.
Bölmənin digər xəbərləri
