ÖLKƏ BASKETBOL ÇEMPİONATI BAŞLANACAQDIR

11.11.2005 [21:36]
Çap et
A⁺ A^-

AZƏRTAC xəbər verir ki, noyabrın 12-də Bakı Olimpiya İdman Kompleksində kişilər arasında ölkə basketbol çempionatına start veriləcəkdir. Çempionluq uğrunda “Qərb Universiteti”, “Qala”, “Azəri”, “Aztop” və “Binəqədi bələdiyyəsi” komandaları dairəvi sistemlə mübarizə aparacaqlar. I turda “Qərb Universiteti”-“Binəqədi bələdiyyəsi”, “Azəri”-“Aztop” oyunları olacaqdır.

Ötən çempionatın qalibi “Qala” komandası ölkəmizi “Avropa Çağırış kuboku” yarışlarında təmsil etdiyindən mübarizəyə ikinci turdan qatılacaqdır. Bu mötəbər yarış çərçivəsində “Qala” noyabrın 15-də Bakıda Ukraynanın “Ximik” və noyabrın 24-də Permdə (Rusiya) “Ural Qreyt” klubları ilə cavab görüşləri keçirəcəkdir.

Həmin komandalarla keçirdiyi ilk oyunları uduzan “Qala” qrupdan çıxmaq üçün cavab görüşlərini mütləq qələbə ilə başa vurmalıdır.