OMBUDSMAN TƏSİSATININ ƏMƏKDAŞI MƏZUNLAR ŞURASININ DİREKTORU SEÇİLMİŞDİR
AZƏRTAC xəbər verir ki, Azərbaycan Respublikasının İnsan Hüquqları üzrə Müvəkkili Aparatının nümayəndəsi Zaur Zamanov İsveçrənin Beynəlxalq Tədris İnstitutunun “Beynəlxalq münasibətlər sahəsində biliklərin artırılması” layihəsi üzrə yaradılmış Məzunlar Şurasının direktoru, Konstitusiya Məhkəməsinin əməkdaşı Əsgər Məmmədov isə insan hüquqları sahəsi üzrə meneceri seçilmişdir.
Şuranın məqsədi Azərbaycanda insan hüquqları, beynəlxalq iqtisadiyyat və sosial məsələlər üzrə ayrı-ayrı maarifləndirmə proqramları hazırlamaq, dövlət qurumlarında çalışan əməkdaşlar üçün məşğələ-seminarlar keçirməkdir.
Yaradılacaq İnternet səhifəsində şuranın ölkəmiz üzrə fəaliyyəti, qazanılan nəticələr, həmçinin gələcəkdə həyata keçiriləcək regional layihələr əksini tapacaqdır.
Bölmənin digər xəbərləri
