OPEC+ 2030-cu ildən sonra bazar payını artıracaq
Bakı, 18 iyun, AZƏRTAC
OPEC üzvləri və qeyri-OPEC istehsalçılardan ibarət OPEC+ qrupuna daxil olmayan istehsalçıların 2030-cu ilə qədər qlobal maye yanacaq tədarükünün artımının təxminən yarısını təşkil edəcəyi gözlənilir. Braziliya, Qətər, ABŞ, Argentina və Kanadanın bu artıma rəhbərlik edəcək.
AZƏRTAC xəbər verir ki, bu barədə Neft İxrac Edən Ölkələr Təşkilatının (OPEC) hesabatında deyilir.
“Qeyri-OPEC+ ölkələri üzrə tədarükün 2030-cu illərdə azalacağı gözlənildiyi üçün OPEC+ ölkələrinin qlobal bazardakı payının artacağı proqnozlaşdırılır. Qrupun maye yanacaq tədarükünün 2025-ci ildəki gündəlik 50,6 milyon bareldən 2050-ci ildə sutkada 64,5 milyon barelə yüksələcəyi və bazar payının 48 faizdən 52 faizə qədər artacağı gözlənilir. Proqnozlaşdırılan neft tələbatının ödənilməsi üçün 2026-2050-ci illər arasında ümumilikdə 17,7 trilyon dollar investisiya tələb olunur. Bunun kəşfiyyat və istehsal fəaliyyətlərinə 14,5 trilyon dollar, emal investisiyalarına 1,9 trilyon dollar, nəqliyyat və saxlama infrastrukturuna 1,3 trilyon dollar investisiya daxil olduğu təxmin edilir”, - deyə hesabatda qeyd olunur.
Bölmənin digər xəbərləri
