OPERA VƏ BALET TEATRININ YENİ MÖVSÜMDƏ YAXIN PLANLARI
AZƏRTAC xəbər verir ki, Azərbaycan Dövlət Akademik Opera və Balet Teatrı növbəti mövsümünü sentyabrın 18-də Üzeyir Hacıbəyovun “Koroğlu” operası ilə açacaqdır.
Teatrın mətbuat xidmətinin rəhbəri Şükufə Ağamirzəyeva demişdir ki, sentyabr repertuarı ənənəvidir. Belə ki, sentyabrın 20-də Fikrət Əmirovun “1001 gecə” baleti, 24-də isə Moris Ravelin “Bolero” və Sergey Prokofyevin “Tamah” baletləri təqdim ediləcəkdir. Sentyabrın 26-da Müslüm Maqomayevin “Şah İsmayıl” operasının premyerası olacaqdır. Ayın repertuarını Qara Qarayevin “Leyli və Məcnun” simfonik poeması yekunlaşdıracaqdır.
Oktyabrda rusiyalı balerina Tatyana Çernobrovkinanın P.Çaykovskinin “Sonalar gölü” baletində Odetta-Odilliya partiyasını, moskvalı həmvətənimiz, 2007-ci ildə Yunanıstanda keçirilmiş opera müğənnilərinin Mariya Kallas adına müsabiqəsinin Qran-pri mükafatçısı Dinara Əliyevanın isə oktyabrın 18-də Cüzeppe Verdinin “Traviata” operasında Violetta partiyasını ifa edəcəkləri gözlənilir.
Bölmənin digər xəbərləri
