Ötən iki ayda 57,4 min şəxs aktiv məşğulluq tədbirləri ilə əhatə olunub
Bakı, 7 mart, AZƏRTAC
Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi bu ilin yanvar-fevral aylarında 57,4 min şəxsi aktiv məşğulluq tədbirləri ilə əhatə edib.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, onlardan 18,5 min şəxs münasib işlərlə təmin olunub, 816 şəxs isə kiçik ailə təsərrüfatlarını yaratmaları üçün özünüməşğulluq proqramına cəlb edilib.
Həmin dövrdə Agentlik tərəfindən 653 işsiz şəxs üçün isə peşə hazırlığı kursları təşkil olunub, 37,4 min şəxsə peşəyönümü xidmətlər göstərilib.
Bölmənin digər xəbərləri
