Ötən il Beyləqanda 102 hektar sahədə yeni meşələr salınmışdır
Beyləqan, 16 yanvar (AZƏRTAC). Beyləqan rayonunda meşələrin mühafizəsi və bərpası daim diqqət mərkəzindədir.
Rayon meşə mühafizəsi və bərpası müəssisəsindən AZƏRTAC-a bildirmişlər ki, 2011-ci ildə 102 hektar sahədə yeni meşələr salınmış, 100 hektarda bərpa işləri aparılmışdır. Kökləndirmək üçün 1,2 hektar sahədə müxtəlif növlərdən ibarət 60 min qələm basdırılmış, 1 hektar sahədə şam, akasiya, göyrüş ağacları üçün böyütmə sahəsi yaradılmışdır. 4 hektar sahəyə toxum səpilmiş, 1.650 kiloqram toxum tədarük edilmişdir. 4.051 hektar meşə və meşə əkinləri suvarılmış, 1.846 hektar meşə əkinlərinə aqrotexniki xidmət göstərilmişdir.
Bölmənin digər xəbərləri
