OTÜSTÜ XOKKEY ÜZRƏ QADIN KOMANDALAR ARASINDA ÖLKƏ BİRİNCİLİYİNDƏ 4-CÜ TURUN OYUNLARI KEÇİRİLMİŞDİR
AZƏRTAC xəbər verir ki, otüstü xokkey üzrə qadın komandalar arasında ölkə çempionatı çərçivəsində 4-cü turun oyunları keçirilmişdir.
Başa çatmış qarşılaşmalarda paytaxtın “Atasport-2” komandası “Bakı” klubuna 3:0 hesabı ilə qalib gəlmiş, “Nizami” klubu ilə Lənkəran təmsilçisi “Xəzər”in görüşü 4:1 hesabı ilə başa çatmışdır.
Hazırda “Atasport-2” klubu 21 xalla yarış cədvəlinə rəhbərlik edir. “Bakı” 15 xalla 2-ci, “Nizami” isə 10 xalla 3-cü yerdə qərarlaşmışlar.
“Şahdağ” və “Xəzər” komandaları isə 4-3 xalla son yerləri bölüşürlər.
Otüstü xokkey üzrə qadın komandalar arasında ölkə çempionatına oktyabrın 26-da yekun vurulacaqdır.
Bölmənin digər xəbərləri
