OVÇULUQ TƏSƏRRÜFATI İLƏ MƏŞĞUL OLAN SAHİBKARLARA VERGİ GÜZƏŞTLƏRİ EDİLMƏLİDİR
AZƏRTAC-ın müxbiri xəbər verir ki, iclasda “Ovçuluq haqqında” qanun layihəsi ikinci oxunuşda müzakirə olunmuşdur. Qeyd edilmişdir ki, layihə parlamentdə birinci oxunuşda müzakirə olunarkən deputatlar tərəfindən bir sıra irad və təkliflər səslənmişdir. İşçi qrupu onların böyük əksəriyyətini nəzərə almışdır.
Daimi komissiyaların sədrləri Eldar İbrahimov, Asya Manafova və digər deputatlar layihə ilə bağlı tövsiyələrini vermişlər.
Ekologiya və təbii sərvətlər naziri Hüseynqulu Bağırov, sahibkarlara ovçuluq təsərrüfatları yaratmağa, bu sahəyə sərmayə qoyuluşuna icazə verilməsinin də layihədə nəzərdə tutulması təklifi ilə çıxış etmişdir.
Milli Məclis sədrinin birinci müavini Arif Rəhimzadə ovçuluq təsərrüfatlarına ov heyvanlarını və quşlarını artırmaq üçün imtiyazların verilməsini, eləcə də kənd təsərrüfatında tətbiq olunan vergi güzəştlərinin bu sahəyə də şamil olunmasının vacibliyini qeyd etmişdir.
Müzakirələrin sonunda layihənin Milli Məclisin müzakirəsinə çıxarılması qərara alınmışdır.
Bölmənin digər xəbərləri
