Özbəkistan İran və Əfqanıstana da aviareysləri dayandırıb
Daşkənd, 2 mart, АZƏRTAC
COVID-19 koronavirusunun Özbəkistan ərazisinə daxil olmasının qarşısının alınması məqsədilə “Uzbekistan Airways” Çin, Koreya Respublikası, İtaliya və Yaponiyadan sonra İran və Əfqanıstana da aviareysləri dayandırıb.
AZƏRTAC “Uzbekistan Airways”in mətbuat xidmətinə istinadla xəbər verir ki, bu ölkələrdə koronavirus sürətlə yayılmaqdadır və bu təhlükə aradan qalxdıqdan sonra uçuşlar bərpa olunacaq.
Artıq üçüncü gündür ki, Özbəkistan Koreya Respublikasında olan vətəndaşlarını çarter reysləri ilə ölkəyə gətirir. Son günlər bu ölkələrdən Özbəkistana gələn sərnişinlər də karantində saxlanılır.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
