Özbəkistan portalında 28 May-Respublika Günü ilə bağlı məqalə yerləşdirilib
Daşkənd, 29 may, АZƏRTAC
Özbəkistanın interpress.uz portalında 28 May-Respublika Günü ilə bağlı özbək dilində məqalə yerləşdirilib.
AZƏRTAC xəbər verir ki, yazıda Azərbaycanın qədim tarixi, Respublika Günü haqqında məlumat verilir. Bildirilir ki, Azərbaycan Xalq Cümhuriyyəti 1918-ci il mayın 28-də yaradılıb.
Məqalədə qısa müddət ərzində Cümhuriyyətin dövlətçiliyin möhkəmləndirilməsi istiqamətində gördüyü işlərdən bəhs olunur. Vurğulanır ki, qısa zaman kəsiyində Azərbaycanın dövlət sərhədləri müəyyənləşdirilib, dövlətin gerbi, bayrağı və himni təsdiq olunub, ölkədə yaşayan bütün millətlərə bərabər hüquqlar verilib, Azərbaycan dili dövlət dili elan olunub.
Bildirilir ki, Şərqdə ilk dəfə olaraq parlamentli respublika qurulub, bir çox Avropa ölkələrindən də əvvəl qadınlara seçki hüququ verilib, qonşu dövlətlərlə və Avropa ölkələri ilə diplomatik əlaqələr yaradılıb.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
