Özbəkistanla UNIDO 2020-2024-cü illərdə əməkdaşlıqla bağlı saziş imzalayıb
Daşkənd, 23 dekabr, АZƏRTAC
Özbəkistanın iqtisadi inkişaf naziri Camşid Kuçkarov və BMT-nin Sənaye İnkişafı Təşkilatının (UNIDO) baş direktoru Li Yonq arasında 2020-2024-cü illərdə müxtəlif sahələrdə əməkdaşlığı əhatə edən saziş imzalanıb.
AZƏRTAC xəbər verir ki, sənəd iqtisadiyyatın müasir standartlar səviyyəsində qurulması, yüngül sənaye sahəsinin modernləşdirilməsi, bərpaolunan enerjinin, aqrosənaye klasterlərinin inkişafı və digər sahələri əhatə edir.
Bildirilir ki, tərəflər arasında əməkdaşlıq 27 ildir davam edir. Bu müddətdə müəssisələrin və sahibkarlığın inkişafı, ticarət, ekoloji cəhətdən təmiz istehsal və digər sahələri əhatə edən 15 layihə həyata keçirilib.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
