Pakistanın Baş naziri: ABŞ-İran anlaşma memorandumu sülh və sabitliyə xidmət edir
Bakı, 24 iyun, AZƏRTAC
Pakistanın Baş naziri Şahbaz Şərif bildirib ki, İslamabad Anlaşma Memorandumu sülh və sabitliyin təşviq edilməsinə yönəlib və İranın ballistik raket proqramı ilə bağlı heç bir müddəanı əhatə etmir.
AZƏRTAC xəbər verir ki, Şahbaz Şərif bu barədə İran Prezidenti Məsud Pezeşkianla birgə keçirdiyi mətbuat konfransında deyib. O vurğulayıb ki, ballistik raket məsələsi danışıqlar zamanı heç vaxt gündəmdə olmayıb.
Baş nazir bildirib ki, Pakistan İranla ticarət, iqtisadi inkişaf, infrastruktur və regional sülh sahələrində əməkdaşlığın genişləndirilməsində maraqlıdır. Şahbaz Şərif qeyd edib ki, memorandum regionda gərginliyin azaldılmasına və münaqişənin qarşısının alınmasına töhfə verib. O, həmçinin sülh prosesinə dəstək göstərən Qətər, Səudiyyə Ərəbistanı, Türkiyə və Misirə təşəkkür edib.
Bölmənin digər xəbərləri
