Paris yenidən siçovul axınına məruz qalıb
Bakı, 17 aprel, AZƏRTAC
Paris mövsümi yağışlar, eləcə də qarşıdan gələn Olimpiya Oyunlarına hazırlıq və yazda turizmin artması fonunda getdikcə çoxalan nəzarətsiz siçovulların qurbanı olub.
AZƏRTAC xarici mediaya istinadla xəbər verir ki, yeni problem Paris aqlomerasiyasının 11 milyona yaxın sakininə müxtəlif dərəcədə təsir edib.
Paytaxt meriyasının vəba ilə mübarizə üçün işə götürdüyü iri şirkətlərdən birinin məlumatına görə, Parisdə şəhər divarları arasında hər sakinə təxminən 1,75 siçovul düşür. Paris Notr-Dam kilsəsi və San-Jermen-de Paris məbədi yaxınlığında aparılan bərpa işləri siçovulların məhv edilməsi prosesini çətinləşdirir.
Şəhər sakinlərinin və qonaqların davranışı da küçəyə atılmış yemək qutularının və zəif bağlanan zibil qablarının cəlb etdiyi siçovullara qarşı mübarizə üçün əlverişli deyil.
Yay Olimpiya Oyunlarına hazırlıqla bağlı işlərlə əlaqədar bəzi küçə və prospektlərin bağlanması siçovulların yayılmasının mənbəyi olan açıq hava konteynerlərinin sayını kəskin şəkildə artırıb.
Meriya iki il əvvəl gözlənilən uğurla nəticələnməyən siçovulların məhv edilməsi proqramını bərpa edib. Proqram təmizlik işlərinin gücləndirilməsini və yemək qalıqlarını küçəyə atan insanlara qarşı daha sərt cəzaların tətbiqini nəzərdə tutur.
Bölmənin digər xəbərləri
