Paşinyan: Ermənistan “Zvartnots”da sərhəd nəzarətini özü təmin edə bilər
Bakı, 12 mart, AZƏRTAC
Baş nazir Nikol Paşinyan Ermənistanın İrəvandakı “Zvartnots” hava limanında sərhəd nəzarətini müstəqil həyata keçirilmək istəyi ilə bağlı Rusiyaya müraciət etdiyini təsdiqləyib.
AZƏRTAC xəbər verir ki, Nikol Paşinyan bu barədə mətbuat konfransında deyib.
“Ermənistanın sərhəd qoşunları Rusiya sərhədçilərinə yazılı müraciət edərək, hava limanında xidmətlərinə, təhlükəsizliyin təmin edilməsinə, sərhəd nəzarətinin həyata keçirilməsinə və ümumiyyətlə müstəqillik əldə etdikdən sonra göstərdikləri yardıma və xidmətlərə görə onlara təşəkkür edib”, - deyə baş nazir bildirib.
Paşinyanın sözlərinə görə, Ermənistan “Zvartnots” aeroportunda sərhəd nəzarətini Rusiyanın iştirakı olmadan özü təmin edə bilər. O, həmçinin qeyd edib ki, Ermənistanın sərhəd qoşunları artıq kifayət qədər təcrübə və imkanlara malikdir. İrəvan “Zvartnots”da sərhəd nəzarətini müstəqil şəkildə həyata keçirə biləcəyi barədə Rusiya tərəfini məlumatlandırıb.
Bölmənin digər xəbərləri
