Paytaxtda altı min manatlıq mobil telefon, fotoaparat, məişət və geyim əşyaları oğurlanıb
Bakı, 13 aprel, AZƏRTAC
Yasamal rayonu ərazisində oğurluqla məşğul olan şəxslər tutulublar.
Daxili İşlər Nazirliyinin mətbuat xidmətindən AZƏRTAC-a bildiriblər ki, aprelin 7-dən 11-dək olan müddətdə rayon ərazisindəki qarajların birindən 6000 manat dəyərində mobil telefon, 6 ədəd fotoaparat, məişət və geyim əşyaları oğurlamaqda şübhəli bilinən Bakı şəhər sakini İ.Həsənov Yasamal Rayon Polis İdarəsinin 26-cı polis bölməsi əməkdaşlarının keçirdikləri əməliyyat-axtarış tədbirləri nəticəsində saxlanılıb.
Aprelin 9-da rayon ərazisində 2 avtomobildən planşet və mobil telefon oğurlamaqda şübhəli bilinən Bakı şəhər sakini F.Süleymanov isə Yasamal Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində yaxalanıb.
Hər iki faktla bağlı araşdırma aparılır.
Bölmənin digər xəbərləri
