Paytaxtda itkin düşmüş kimi axtarışda olan üç nəfər tapılaraq ailəsinə təhvil verilib
Bakı, 2 mart, AZƏRTAC
Paytaxtın polis orqanları tərəfindən keçirilən əməliyyat-axtarış tədbirləri nəticəsində fevralın 29-dan martın 2-dək 29 cinayətin üstü açılıb.
Bakı Şəhər Baş Polis İdarəsindən AZƏRTAC-a bildiriblər ki, onlardan 6-sı əvvəlki dövrlərdən bağlı qalan cinayətlər olub.
Cinayətlərin 6-sı xuliqanlıq, 6-sı narkotiklərlə bağlıdır. Baş vermiş oğurluq hadisələri ilə əlaqədar keçirilmiş əməliyyat-axtarış tədbirləri nəticəsində 10 faktın üstü açılıb.
Cinayət Məcəlləsinin müxtəlif maddələri və borca görə axtarışda olduğuna görə ümumilikdə 6 nəfər saxlanılıb. İtkin düşmüş kimi axtarışı elan olunan 3 nəfər tapılaraq ailəsinə təhvil verilib.
Bölmənin digər xəbərləri
