PEKİN YAY OLİMPİYA OYUNLARINDA DOPİNQƏ NƏZARƏT SƏRTLƏŞDİRİLƏCƏKDİR
AZƏRTAC xəbər verir ki, Azərbaycan yığmasının Pekin Yay Olimpiya Oyunlarında şef de missionu (nümayəndə heyətinin rəhbəri) olacaq İlham Mədətov yarışlarda dopinqə nəzarətin daha da sərtləşəcəyini bildirmişdir.
Əvvəlki olimpiadalarda yalnız medalçılar dopinq-testə cəlb edilirdilər. Bu dəfə isə analiz fərqli üsulla keçiriləcəkdir. Hər idman növündə seçmə üsulla 4-5 nəfərdən dopinq-test götürüləcəkdir.
Olimpiadanın keçiriləcəyi müddətdə idmançı hər zaman harada olması ilə bağlı beynəlxalq komitəni məlumatlandırmalıdır. Əgər idmançı axtarılarkən onu tapmaq mümkün olmasa, artıq o, dopinq qəbul etmiş sayılacaqdır.
Olimpiadada 3000-dək idmançının dopinq-testdən keçəcəyi gözlənilir.
Bölmənin digər xəbərləri
