PELE HƏMVƏTƏNLƏRİNİ LOVĞALIQDAN ÇƏKİNDİRİR

09.11.2005 [17:01]
Çap et
A⁺ A^-

AZƏRTAC xarici KİV-lərə istinadla xəbər verir ki, Braziliyada futbol muzeyi açılmışdır. Futbol kralı Pele bu münasibətlə keçirilmiş mərasimdə həmvətənlərinə xəbərdarlıq etmişdir ki, qarşıdan gələn dünya çempionatı ilə bağlı proqnozlar verərkən çox ehtiyatlı olsunlar. Pele etiraf etmişdir ki, mütəxəssislərin və futbol azarkeşlərinin Braziliya yığmasını şəksiz lider adlandırmaları onda narahatlıq doğurur.

Pele demişdir: “Hər dəfə biz dünya çempionatına favorit kimi gedəndə məğlub oluruq. 1950-ci ili və bəzi digər çempionatları yada salın. Hazırda Braziliya yığması dünyada ən yaxşı sayılır. Ancaq heç vəchlə onun birinci yeri asanlıqla tutacağını düşünməməliyik”.

Xatırladaq ki, 1950-ci ildə Braziliya yığması burada keçirilən dünya çempionatının həlledici oyununda Uruqvaya 1:2 hesabı ilə məğlub olmuşdu. 1958-ci və 1962-ci illərin qələbələrindən sonra 1966-cı ildə braziliyalılar növbəti qələbəyə bir nömrəli namizəd sayılsalar da, hətta qrup mərhələsini belə keçə bilməmişlər.

PELE HƏMVƏTƏNLƏRİNİ LOVĞALIQDAN ÇƏKİNDİRİR

MÜƏLLİFLƏ ƏLAQƏ

Bölmənin digər xəbərləri