Polşa prezidenti ABŞ-dan ehtiyat təyyarə ilə qayıtmalı olacaq
Bakı, 14 mart, AZƏRTAC
Polşa prezidentinin “Boeing 737” təyyarəsində yaranan nasazlıqla bağlı Anjey Duda ABŞ-dan Avropaya ehtiyat təyyarə ilə qayıtmaq məcburiyyətində qalıb.
AZƏRTAC xəbər verir ki, “Fakt” qəzeti bu barədə prezident aparatındakı mənbələrə istinadla məlumat yayıb.
Məlumata görə, təyyarənin kokpitində quraşdırılan məlumat monitorları sıradan çıxdığı üçün layner Polşaya prezidentsiz qayıtmalı olub. İnsident səbəbindən iş qrafikində cüzi dəyişiklik edilən Anjey Duda planlaşdırıldığı kimi, martın 14-də Brüsseldə NATO-nun Baş katibi Yens Stoltenberqlə görüşəcək.
Qeyd edək ki, Polşanın dövlət başçısı martın 12-də amerikalı həmkarı Cozef Baydenlə görüşüb.
Bölmənin digər xəbərləri
