Premyer Liqa: Autsayderlərin duelindən “Qəbələ” qalib ayrılıb
Bakı, 15 may, AZƏRTAC
Futbol üzrə Azərbaycan Premyer Liqasında XXXII tura start verilib.
AZƏRTAC xəbər verir ki, açılış matçında I Liqaya düşəcəyi dəqiqləşən “Karvan-Yevlax” “Qəbələ”ni sınağa çəkib. Yevlax şəhər stadionunda keçirilən autsayderlərin duelində qonaqlar 2:1 hesablı əzmkar qələbə qazanıblar.
Bu nəticədən sonra turnir cədvəlində Qəbələnin eyniadlı klubu 24 xalla 11-ci, Yevlax təmsilçisi isə 14 xalla sonuncu – 12-ci pillədə qərarlaşıb.
Günün son oyununda “Kəpəz” Sumqayıtdakı “SOCAR Polimer Arena”da “Araz-Naxçıvan”ın qonağı olacaq. Rəşad Əhmədovun idarə edəcəyi qarşılaşma saat 19:30-da start götürəcək.
Qeyd edək ki, XXXII tura mayın 16-17 keçiriləcək oyunlarla yekun vurulacaq.
Bölmənin digər xəbərləri
