Qadın futbolçularımız karyeraları haqda məktəblilərə məlumat veriblər
Bakı, 16 dekabr, AZƏRTAC
Xəbər verdiyimiz kimi, Bakı Oksford Məktəbinin (BOM) şagirdləri futbol üzrə qızlardan ibarət U-19 və əsas millimizin məşqini izləyib.
AZƏRTAC xəbər verir ki, məktəblilər BOM-da bunun əsasında “Qadın hüquqları” mövzusu ilə bağlı material hazırlayıb, təqdimat ediblər.
Qadın hüquqlarının insan haqlarının tərkib hissəsi olduğu vurğulanan tədbirdə məktəblilər tərəfindən hazırlanan videomaterial izlənilib.
Tədbirdə iştirak edən qadın futbolçulardan ibarət Azərbaycan millisinin baş məşqçisi Vüqar Əsgərli oğlan və qızlardan təşkil olunan komandaların məşq prosesinin fərqindən danışıb, cəmiyyətdə gender bərabərliyinin qorunmasının vacib olduğunu vurğulayıb.
Millinin üzvləri isə futbolçu karyeraları, eləcə də məşq prosesləri haqda məlumat veriblər.
Bölmənin digər xəbərləri
