Qanlı Yanvar faciəsi heç vaxt unudulmayacaq
Kürdəmir, 20 yanvar (AZƏRTAC). Kürdəmirdə 20 Yanvar faciəsinin iyirmi ikinci ildönümü kütləvi tədbirlərlə yad edilmişdir. Rayon sakinləri səhər saatlarından faciə qurbanlarının xatirəsinə salınmış 20 Yanvar parkına toplaşmışlar.
Parkda məktəblilərin ifasında 20 Yanvar faciəsinə həsr olunmuş ədəbi-bədii kompozisiya nümayiş etdirilmişdir. İştirakçılar Şəhidlər Xiyabanına gələrək məzarları ziyarət etmişlər.
Rayon rəhbərliyi və ağsaqqalları Kürdəmirdə vətənimizin azadlığı, torpaqlarımızın bütövlüyü uğrunda ən çox şəhid vermiş Karrar və Topalhəsənli kəndlərinə gələrək şəhidlərin məzarlarının üzərinə gül-çiçək düzmüşlər.
Rayon icra hakimiyyətinin başçısı Fəxrəddin Məlikov şəhid ailələri ilə görüşmüş, onların qayğı və problemləri ilə maraqlanmışdır.
Bölmənin digər xəbərləri
