Qaraçuxur qəsəbə sakininin yaşadığı evdə narkotik vasitə aşkarlanıb
Bakı, 29 fevral, AZƏRTAC
Suraxanı Rayon Polis İdarəsinin 32-ci polis bölməsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində Qaraçuxur qəsəbə sakini B.Əliyev saxlanılıb. Şəxsi axtarış zamanı onda marixuana aşkarlanıb. Davam etdirilən tədbirlər nəticəsində onun evindən əlavə olaraq 500 qrama yaxın marixuana aşkarlanaraq götürülüb.
Daxili İşlər Nazirliyinin mətbuat xidmətindən AZƏRTAC-a bildiriblər ki, Nəqliyyatda Baş Polis İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində Tovuz rayon sakini, əvvəllər məhkum olunmuş R.Cəfərov yaxalanıb. Şəxsi axtarış zamanı ondan 455 qram marixuana aşkar edilərək götürülüb.
Faktlarla bağlı araşdırmalar aparılır.
Bölmənin digər xəbərləri
