Qazaxıstan Qırğızıstan ilə ticarət dövriyyəsini 3 milyard dollara çatdırmaq niyyətindədir
Astana, 13 fevral, AZƏRTAC
Qazaxıstan Qırğızıstan ilə qarşılıqlı ticarət həcmini 3 milyard dollara çatdırmağı hədəfləyir.
AZƏRTAC Qazaxıstan Xarici İşlər Nazirliyinə istinadla xəbər verir ki, bu barədə Qazaxıstanın xarici işlər naziri Yermek Koşerbayev Bişkekə rəsmi səfəri zamanı Qırğızıstan Prezidenti Sadır Japarov ilə görüşündə bildirib.
Koşerbayevin sözlərinə görə, Qazaxıstan Qırğızıstanın ən yaxşı üç ticarət tərəfdaşı arasında möhkəm yer tutur. Qarşılıqlı ticarət həcmi artıq 2 milyard dollara çatıb.
Nazir vurğulayıb: “Qazaxıstan-Qırğızıstan münasibətləri böyük potensiala malikdir və yeni keyfiyyət məzmunu ilə zənginləşərək hər il davamlı olaraq inkişaf edir”.
Sadır Japarov iki ölkə arasında çoxşaxəli əməkdaşlığın müsbət dinamikasını məmnunluqla qeyd edib, müttəfiqlik münasibətlərinin daha da dərinləşdirilməsinin vacibliyini vurğulayıb.
Tərəflər müttəfiqlik əlaqələrini ardıcıl olaraq gücləndirmək öhdəliklərini bir daha təsdiqləyiblər.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
