Qazaxıstan Rusiyanın COVID-19-a qarşı peyvəndinin istehsalına başlayıb
Nur-Sultan, 21 dekabr, AZƏRTAC
Qazaxıstanda bu gün Rusiyanın COVID-19-a qarşı peyvəndinin istehsalına başlanılıb. Hökumət başçısı Askar Mamin bildirib ki, Rusiyanın "Sputnik V " peyvəndinin istehsalı Qazaxıstan və Rusiya prezidentləri arasında əldə olunmuş razılaşmalar çərçivəsində həyata keçirilir.
AZƏRTAC xəbər verir ki, Qazaxıstanın Karaqanda şəhərində əczaçılıq kompleksinin bazasında mərhələli şəkildə 2 milyon doza peyvənd istehsalı planlaşdırılır. Əhalinin kütləvi vaksinasiyasının 2021-ci ilin fevralında başlanacağı nəzərdə tutulub.
Hökumət başçısı vaksinasiyanın ilk növbədə tibbi işçilər, müəllimlər, tələbələr, hüquq-mühafizə orqanlarının əməkdaşları, tibbi-sosial müəssisələrin əməkdaşlarının, həmçinin xroniki xəstəlikləri olan risk qruplarının nümayəndələri arasında könüllülük əsasında aparılacağını bildirib.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
