Qazaxıstanda Xəzərin su səviyyəsinin azalması problemi öyrəniləcək
Astana, 16 avqust, AZƏRTAC
Qazaxıstanın Su Ehtiyatları və İrriqasiya Nazirliyi ilin əvvəlində yaradılmış Xəzər Dənizi Elmi-Tədqiqat İnstitutunun fəaliyyəti barədə məlumat verib.
AZƏRTAC nazirliyin mətbuat xidmətinə istinadən xəbər verir ki, Aktau şəhərində institutun fəaliyyəti üçün bina ayrılıb və hazırda qurumun avadanlıqla təchiz edilməsi və maliyyələşdirilməsi işləri aparılır.
İnstitut Xəzər dənizinin ekoloji problemlərini, su səviyyəsinin azalması məsələsini, suitilərin və balıqların kütləvi tələf olmasının səbəblərini, Xəzər suitisinin populyasiyasının qorunması məsələlərini, Xəzərin akvatoriyasını və sahil zonasını öyrənəcək.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
