Qazaxıstanla oyun öncəsi Azərbaycanın futzal millisinin heyətində dəyişiklik edilib
Bakı, 9 oktyabr, AZƏRTAC
DÇ-2024-ün elit-raun mərhələsində növbəti oyununu oktyabrın 11-də Astanada Qazaxıstan yığmasına qarşı keçirəcək Azərbaycan millisinin heyətində dəyişiklik edilib.
Azərbaycan Futzal Federasiyanın mətbuat xidmətindən AZƏRTAC-a verilən məlumata görə, Bakıdakı matçda sarı vərəqə alaraq cəzalı duruma düşən Felipinyo səfərə aparılacaq heyətdən kənarlaşdırılıb. Onun əvəzinə “Neftçi” İK-nın üzvü Amir Sojaei komandaya dəvət olunub.
Baş məşqçi Vitali Borisov Qazaxıstanla oyunda 14 futzalçıdan istifadə edəcək.
Qapıçılar: Emin Kürdov, Rövşən Hüseynli.
Oyunçular: Eduardo Borges, Novruz Kazıxanov, Rafael Vilela, Amadeu, Xəzər Ağalızadə, Qabriel Bastos, Maneka, Hadi Ahmadi, Xətai Bağırov, Qallo, Murad Quluzadə, Amir Sojaei.
Qeyd edək ki, Astanada reallaşacaq Qazaxıstan - Azərbaycan görüşü Bakı vaxtı ilə saat 18:00-da start götürəcək.
Bölmənin digər xəbərləri
