“Qəbələ” qanalı futbolçu ilə müqavilə imzalayıb
Bakı, 3 iyul, AZƏRTAC
Yeni mövsümün hazırlığını davam etdirən “Qəbələ” heyətinə yeni futbolçu qatıb.
AZƏRTAC xəbər verir ki, 19 yaşlı qanalı sol cinah vingeri Prins Ovusu “qırmızı-qaralar”a qoşulub. O, ötən mövsümdə klubun U-19 komandasının formasını geyinib. Ovusu ilə 3 illik müqavilə imzalanıb.
Qeyd edək ki, Prins ötən mövsüm U-19 Liqasının gümüş mükafatçısı olub. O, keçirdiyi 14 oyunda 11 qol və 5 məhsuldar ötürmə ilə yadda qalıb.
Bölmənin digər xəbərləri
