Qəsdən adam öldürmə faktı ilə bağlı cinayət işi başlanıb
Bakı, 14 sentyabr, AZƏRTAC
Sentyabrın 14-də 1974-cü il təvəllüdlü Validə Zülfüqarovanın ölümü barədə rayon prokurorluğuna məlumat daxil olub.
Araşdırma zamanı 1960-cı il təvəllüdlü Şahniyar Məmmədovun Sabunçu rayonunun Zabrat qəsəbəsində birgə yaşadıqları evdə aralarında yaranmış mübahisə zamanı arvadı Validə Zülfüqarovanı öldürməsinə əsaslı şübhələr müəyyənləşdirilib.
Bu barədə AZƏRTAC-a rayon prokurorluğundan məlumat veriblər.
Faktla bağlı Sabunçu Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, könüllü istintaqa təslim olan Şahniyar Məmmədov şübhəli şəxs qismində tutulub.
Hazırda ibtidai istintaq davam edir.
Bölmənin digər xəbərləri
