QHT Agentliyinin qrant müsabiqəsinə müraciət sayında rekord göstərici qeydə alınıb
Bakı, 18 aprel, AZƏRTAC
Qeyri-Hökumət Təşkilatlarına Dövlət Dəstəyi Agentliyi tərəfindən keçirilən son qrant müsabiqəsində rekord göstərici qeydə alınıb. Müsabiqəyə ümumilikdə 915 QHT layihə təqdim edib.
AZƏRTAC xəbər verir ki, bu barədə Agentliyin icraçı direktoru Aygün Əliyeva qurumun 4 illik fəaliyyətinə həsr olunmuş mətbuat konfransında çıxışı zamanı deyib.
Onun sözlərinə görə, son iki ildə təqdim olunan layihələrin keyfiyyətində əhəmiyyətli artım müşahidə olunub. Bu sahədə əsas dönüş nöqtəsi 2023-cü ildə yeni qrant müsabiqəsi qaydalarının tətbiqi və elektron xidmətlərin istifadəyə verilməsi olub. Həmçinin şəffaflığın, hesabatlılığın və xidmət keyfiyyətinin artırılması məqsədilə 2023-cü ildən etibarən elektron xidmətlər portalı istifadəyə verilib.
Bölmənin digər xəbərləri
