Qida məhsullarının təhlükəli hesab edilməsinə əsas verən halların açıq reyestrinin aparılması qaydası təsdiqlənib
Bakı, 19 iyun, AZƏRTAC
Qida məhsullarının təhlükəli hesab edilməsinə əsas verən halların açıq reyestrinin aparılması qaydası təsdiqlənib.
Nazirlər Kabinetindən AZƏRTAC-a bildirilib ki, Baş Nazir Əli Əsədov “Qida məhsullarının təhlükəli hesab edilməsinə əsas verən halların açıq reyestrinin aparılması qaydası”nın təsdiq edilməsi barədə Qərarı imzalayıb.
Qərarda qida məhsullarının təhlükəli hesab edilməsinə əsas verən halların istifadəçilər üçün Qida Təhlükəsizliyi Agentliyi tərəfindən elektron formada açıq reyestrinin aparılması ilə bağlı məsələlərin tənzimlənməsi nəzərdə tutulur.
Qərarın qəbulu ilə qida məhsullarının təhlükəli hesab edilməsinə əsas verən hallar barədə məlumatların vahid mənbədə toplanmasına, insanların həyat və sağlamlığının, habelə istehlakçıların hüquqlarının qorunması üçün qida məhsullarının təhlükəli hesab edilməsinə əsas verən hallar barədə istifadəçilərə vaxtında, düzgün və ətraflı məlumat verilməsinə imkan yaradacaq.
Bölmənin digər xəbərləri
