QIRĞIZISTAN RUSİYADAN ƏSKƏR AKAYEVİN BÖYÜK OĞLUNUN ÖLKƏYƏ QAYTARILMASINI XAHİŞ EDİR
Bu haqda jurnalistlərə ölkənin baş prokuroru Kambaralı Konqantiyev məlumat vermişdir. Onun sözlərinə görə, Aydar Akayev bir sıra iqtisadi xarakterli cinayətkarlıqda ittiham edilir. Sabiq prezidentin kürəkəni, Qazaxıstan vətəndaşı Adil Toyqonbayev haqqında da axtarış elan olunmuşdur.
Baş prokurorun sözlərinə görə, ölkədə Akayevlər ailəsinə və onların qohumlarına məxsus 70-dən artıq müəssisə fəaliyyət göstərir, bu məsələ ilə əlaqədar 68 cinayət işi açılmışdır. Bunun 27-si Əskər Akayevin xanımı Mayram Akayevanın rəhbərlik etdiyi “Meerim” fondunun fəaliyyəti ilə əlaqədardır. İndiyədək 6 cinayət işinə baxılmış, 7 nəfər məsuliyyətə cəlb olunmuşdur.
Bölmənin digər xəbərləri
