Azərbaycan Dövlət İnformasiya Agentliyi

DÜNYA

QIRĞIZISTAN RUSİYANIN “QAZPROM” ŞİRKƏTİ İLƏ ƏMƏKDAŞLIQ EDƏCƏKDİR

30.12.2005 [12:55]
Çap et
A⁺ A^-

AZƏRTAC-ın xüsusi müxbiri xəbər verir ki, Qırğızıstan və Rusiyanın “Qazprom” şirkəti ölkə ərazisindəki yeni qaz yataqlarının mənimsənilməsi ilə bağlı birgə müəssisə yaradacaqlar.

Bu haqda Qırğızıstan hökumətinin mətbuat xidməti məlumat yaymışdır. Orada deyilir ki, bu məsələ ilə əlaqədar razılaşma ölkənin Baş naziri Feliks Kulovun Moskvada “Qazprom”un rəhbəri Aleksey Miller ilə apardığı danışıqlarda əldə edilmişdir.

Tərəflər qərara almışlar ki, birgə müəssisə geoloji kəşfiyyat işləri, respublikanın neft-qaz sahəsinə sərmayənin cəlb edilməsi, mövcud yataqların yenidən qurulması və s. məsələlərlə məşğul olacaqdır.

Feliks Kulovun təklifi ilə hazırlıq məsələlərinin həlli ilə əlaqədar xüsusi işçi qrupu yaradılmışdır.