Qlobal bərpaolunan enerji sektorunda çalışanların sayı 11,5 milyon nəfərə çatıb
Bakı, 29 sentyabr, AZƏRTAC
Dünyada bərpaolunan enerji sektoru tərəfindən təmin edilən məşğulluq keçən ilin sonuna 11,5 milyon nəfərə çatıb. Günəş enerjisi isə 33 faiz paya sahib olmaqla ilk sırada qərarlaşıb.
AZƏRTAC xəbər verir ki, bu barədə Beynəlxalq Bərpaolunan Enerji Agentliyi (IRENA) məlumat yayıb. Bildirilir ki, qlobal bərpaolunan enerji sektorunda məşğulluq 2012-ci ildən bəri durmadan artır. 2012-ci ildə bərpaolunan enerji sektorunda təxminən 7,3 milyon insan çalışırdısa, 2018-ci ildə bu rəqəm 11 milyona, keçən ilin sonunda isə 11,5 milyon nəfərə yüksəlib. Beləliklə də, keçən il dünyada daha 500 min nəfər bərpaolunan enerji sektorunda işə başlayıb.
Bu artımın 63 faizi Asiya ölkələrində formalaşıb. Çin bərpaolunan enerji sektorunda təxminən 4,4 milyon iş yeri ilə birinci sırada qərarlaşıb. Braziliyada 1,1 milyon, Hindistan 824 min, ABŞ-da isə 756 min nəfər bu sektora maraq göstərib.
Bölmənin digər xəbərləri
