“Queen” qrupu bir milyard dinləməyə görə mükafat alıb
Bakı, 21 iyul, AZƏRTAC
İngilis “Queen” qrupu Böyük Britaniyada bir milyard dinləməyə görə “Brit Billion Award” mükafatını alıb. Hesablamanı “Official Charts Company” şirkəti aparıb. AZƏRTAC “Variety” nəşrinə istinadla xəbər verir ki, mükafatı “Brit Awards” şirkəti təqdim edib.
Mükafat Brayan Mey və Rocer Teylora verilib. “Qrup adından bu mükafatı almaqdan həyəcan keçirirəm. Bir milyard dinləmə - bu, inanılmazdır. Biz hələ ki, buradayıq və sizi bir az daha əyləndirməyə ümid edirik”, - deyə qrupun əfsanəvi gitara ifaçısı bildirib.
“Queen” qrupu, ötən əsrin 70-ci illərinin ortalarından 90-cı illərinin ortalarına qədər ən geniş şöhrət qazanan ingilis rok qrupudur. “Qeen” rok musiqisi tarixinin ən uğurlu qruplarından biridir, albomlarının ümumi dünya tirajı 300 milyonu ötüb. “Qeen” qrupunun “We Will Rock You” və “We Are the Champions” mahnıları müasir dünyanın ən məşhur iki mahnısıdır. Qrupun əksər tənqidçilər tərəfindən rok klassikası hesab olunan "Bohemian Rhapsody”, “The Show Must Go On”, “Don't Stop Me Now”, “Innuendo”, “Radio Ga Ga” mahnıları da çox populyardır.
Bölmənin digər xəbərləri
