Qusar Dövlət Ləzgi Dram Teatrı mövsümün son tamaşasını açıq havada təqdim edəcək
Qusar, 4 iyul, Elxan Yusifli, AZƏRTAC
Qusar Dövlət Ləzgi Dram Teatrı mövsümə görkəmli dramaturq Mirzə Fətəli Axundzadənin “Hekayəti-xırs-quldurbasan” komediyası ilə yekun vuracaq.
AZƏRTAC-ın bölgə müxbiri xəbər verir ki, səhnə əsəri qusarlı tamaşaçılara və rayonun qonaqlarına Mahmud Əbilov adına meydanda açıq havada təqdim olunacaq.
Teatrın direktoru Faiq Qardaşov bildirib ki, iyulun 18-i axşam saatlarında tamaşaçılar “Hekayəti-xırs-quldurbasan” komediyası ilə yanaşı, milli rəqslər və folklor nümunələrindən ibarət musiqili proqramı da izləmək imkanı qazanacaqlar.
Bölmənin digər xəbərləri
