Quterreş İranı və ABŞ-ni danışıqları təcili olaraq bərpa etməyə çağırıb
Vaşinqton, 12 iyul, AZƏRTAC
Körfəzdə ciddi eskalasiya və yenidən başlayan hərbi qarşıdurmalar, o cümlədən İranın Hörmüz boğazında gəmilərə hücumları, ABŞ-nin İrana hücumları və İranın qonşu ölkələrdəki hədəflərə hücumları məni dərindən narahat edir.
AZƏRTAC xəbər verir ki, bu sözləri BMT-nin Baş katibi Antonio Quterreş deyib. O bildirib ki, hücumların hamısı dayandırılmalıdır.
Onun sözlərinə görə, tammiqyaslı hərbi əməliyyatların yenidən başlanması region xalqları, beynəlxalq sülh və təhlükəsizlik, eləcə də qlobal iqtisadiyyat üçün fəlakətli nəticələrə gətirib çıxara bilər.
Quterreş İranı və ABŞ-ni danışıqları təcili şəkildə bərpa etməyə, mövcud fikir ayrılıqlarını isə diplomatik yollarla həll etməyə çağırıb.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
