Rafael Qrossi: İranın nüvə fəaliyyətinə ciddi və hərtərəfli nəzarət mexanizmi tətbiq olunmalıdır
Qahirə, 27 iyun, AZƏRTAC
Müharibə başa çatdıqdan sonra İranın nüvə silahı hazırlamadığını təmin etmək üçün ölkədə çox ciddi və hərtərəfli yoxlama sistemi tətbiq olunmalıdır.
AZƏRTAC xəbər verir ki, bunu Atom Enerjisi üzrə Beynəlxalq Agentliyin (AEBA) baş direktoru Rafael Qrossi deyib.
Qrossi ötən həftə ABŞ və İran arasında imzalanmış anlaşma memorandumunu şərh edərkən Yaponiyada jurnalistlərə deyib: “Hesab edirəm ki, bu razılaşmanın məqsədi İranın nüvə silahı hazırlamamasını təmin etməkdir. İran hökuməti açıq şəkildə belə niyyətinin olmadığını bəyan edib. Lakin niyyət kifayət deyil. Mümkün olan kimi çox ciddi və hərtərəfli yoxlama mexanizmi tətbiq edilməlidir”.
Bundan əlavə, ABŞ Prezidenti Donald Tramp dünən bildirib ki, İran Hörmüz boğazından keçən gəmilərə doğru azı dörd pilotsuz uçuş aparatı göndərib. Onun sözlərinə görə, həmin dronlardan biri yük gəmisinin üst göyərtəsinə dəyib.
Tramp sosial platformadakı paylaşımında bu addımı əldə olunmuş atəşkəs razılaşmasının kobud şəkildə pozulması adlandırıb.
Bölmənin digər xəbərləri
