Ramin Şıxəliyev: Dünya ictimaiyyəti Azərbaycan həqiqətlərini bilməlidir
Bakı, 20 yanvar, Flora Şükürova, AZƏRTAC
20 Yanvar faciəsi xalqımızın qəhrəmanlıq salnaməsidir. Azərbaycan xalqına qarşı törədilən terror aktları sırasında 20 Yanvar faciəsi ən dəhşətli cinayətlərdən biridir. Lakin bu hadisə xalqımızı əqidəsindən döndərə bilməyib.
Bu sözləri yanvarın 20-də Şəhidlər xiyabanını ziyarətə gələn Azərbaycan Dövlət Akademik Milli Dram Teatrının aktyoru Ramin Şıxəliyev AZƏRTAC-a müsahibəsində deyib.
Vurğulayıb ki, 20 Yanvar Azərbaycan xalqının tarixində təkcə hüzn günü kimi qeyd olunmamalıdır. Biz bu günün gerçək önəmini onun hüzn və şərəfi ilə birgə yaşamalıyıq. Ən başlıcası isə 20 Yanvar faciəsinin Azərbaycan xalqına qarşı soyqırımı siyasətinin bir hissəsi olduğunu dünyaya çatdırmağı bacarmalıyıq. Dünya ictimaiyyəti Azərbaycan həqiqətlərini bilməlidir.
Bölmənin digər xəbərləri
