“Real Madrid” İspaniya millisinin üzvü ilə yeni müqavilə imzalayıb
Bakı, 18 iyul, AZƏRTAC
İspaniyanın “Real Madrid” komandası futbolçusu Lukas Vaskeslə yeni müqavilə imzalayıb.
AZƏRTAC klubun rəsmi saytına istinadən xəbər verir ki, 33 yaşlı yarımmüdafiəçi ilə sözləşmənin müddəti 2025-ci il iyun ayının 30-dək uzadılıb.
2014-cü ildən Madrid təmsilçisinin əsas komandasında çıxış edən təcrübəli oyunçu 10 mövsüm ərzində 21 titul qazanıb.
O, “kral klubu”nun heyətində 349 oyun keçirib və 36 qol vurub. L.Vaskes 9 dəfə İspaniya millisinin formasını geyinib.
Bölmənin digər xəbərləri
