Rəcəb Tayyib Ərdoğan: Sanksiyaların əsas məqsədi Türkiyəni müdafiə sənayesini inkişaf etdirməkdən çəkindirməkdir
Ankara, 16 dekabr, AZƏRTAC
Türkiyədə Ankara-Niğdə avtomagistralının ikinci hissəsinin açılış mərasimi keçirilib.
Tədbirdə videoformatda iştirak edən Prezident Rəcəb Tayyib Ərdoğan Rusiyadan S-400 raket əleyhinə müdafiə sistemlərinin alınmasına görə ABŞ tərəfindən Türkiyəyə qarşı birtərəfli sanksiyalar tətbiq edilməsi məsələsinə münasibət bildirib. Sanksiyaların tətbiq olunmasında S-400 sistemlərinin sadəcə bir bəhanə olduğunu vurğulayan Prezident deyib ki, Türkiyənin suverenliyinə qarşı qəsd hesab olunan bu qərarın qəbul edilməsində əsl məqsəd ölkədə sürətlə inkişaf edən müdafiə sənayesinin istehsalını əngəlləmək, Türkiyəni bu istiqamətdə fəaliyyətdən çəkindirməkdir. Sanksiyalar daxil olmaqla bütün təzyiqlərə baxmayaraq, Türkiyə qətiyyətli addımlarını davam etdirəcək.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
