RƏCƏB TAYYİB ƏRDOĞANIN SƏUDİYYƏ ƏRƏBİSTANINA SƏFƏRİ

17.01.2004 [21:43]
Çap et
A⁺ A^-

AZƏRTAC-ın müxbiri xəbər verir ki, yanvarın 17-də Türkiyə Respublikasının Baş naziri Rəcəb Tayyib Ərdoğan Ciddə şəhərində başlayan “V Ciddə İqtisadi Forumun” işində iştirak etmək üçün Səudiyyə Ərəbistanına yola düşmüşdür. Onu səfərdə dövlət naziri Əli Babacan, maliyyə naziri Kamal Unakıtan və 300 nəfər iş adamı müşayiət edir. Forumun işində ABŞ-ın sabiq prezidenti Bill Klinton, müxtəlif ölkələrdən dövlət və hökumət rəhbərləri iştirak edəcəklər.

Baş nazir Rəcəb Tayyib Ərdoğan İstanbulun Atatürk hava limanında jurnalistlərə bu səfəri haqqında məlumat verərək demişdir ki, üç gün çəkəcək səfər zamanı Səudiyyə Ərəbistanının rəhbərləri ilə görüşlər planlaşdırılmışdır. Hazırda Türkiyə ilə Səudiyyə Ərəbistanı arasında iqtisadi mal dövriyyəsinin həcmi 1,5 milyard ABŞ dollarıdır. Bunun 700 milyon dolları Türkiyənin Səudiyyə Ərəbistanına ixracının payına düşür. İxracın atırılması üçün müvafiq imkan vardır və bu barədə müvafiq danışıqlar aparılacaqdır. İki ölkə arasındakı əlaqələrdən danışan Baş nazir hazırda Səudiyyə Ərəbistanında 100 min Türkiyə vətəndaşının yaşadığını, hər il həcc ziyarətinə 200 min nəfərin getdiyini nəzərə çarpdırdı.

Tural Rzayev

AZƏRTAC-ın xüsusi müxbiri

RƏCƏB TAYYİB ƏRDOĞANIN SƏUDİYYƏ ƏRƏBİSTANINA SƏFƏRİ

MÜƏLLİFLƏ ƏLAQƏ

Bölmənin digər xəbərləri