İQTİSADİYYAT
REGİONAL SAHİBKARLIQ İNKİŞAF ETDİRİLİR
Azərbaycan Milli Sahibkarlar Konfederasiyası (ASK) Neftçala rayonunda regional sahibkarlığın inkişaf etdirilməsi üçün “Yerli məhsullara üstünlük” mövzusunda iki günlük seminar keçirmişdir.
Konfederasiyadan bildirmişlər ki, seminar çərçivəsində biznes forum və ticarət sərgisi təşkil olunmuşdur.
Biznes forumda biznesin inkişafı, marketinq, sığorta, vergi qanunvericiliyi və s. məsələlərlə bağlı məruzələr dinlənilmişdir.
Ticarət sərgisi Neftçala Mədəniyyət Sarayının yaxınlığındakı əsas küçələr boyu təşkil olunmuşdur. Qeydiyyatdan keçən 100-dən artıq yerli müəssisə və assosiasiya öz məhsul və xidmətlərini təqdim və nümayiş etdirmişdir. Ən yaxşı məhsulu müəyyənləşdirmək üçün müsabiqə keçirilmişdir.
Neftçala biznes forumu və ticarət sərgisi ABŞ Beynəlxalq İnkişaf Agentliyinin (USAİD) sponsorluğu ilə təşkil olunmuşdur.