Rəhman Hacıyev: İanə olunan texnika ərazilərin minalardan təmizlənməsinə töhfə verəcək
Bakı, 4 sentyabr, AZƏRTAC
Qarabağ Dirçəliş Fonduna (QDF) ianə olunan “Revival P” minatəmizləmə texnikası işğaldan azad edilən ərazilərin minalardan və partlamamış hərbi sursatlardan təmizlənməsinə böyük töhfə verəcək.
AZƏRTAC xəbər verir ki, bunu QDF-nin İdarə Heyətinin sədri Rəhman Hacıyev jurnalistlərə açıqlamasında deyib.
O, QDF-nin donor və tərəfdaşları ilə əlaqələrinin gündən-günə inkişaf etdiyini və bu əməkdaşlıq çərçivəsində Fonda pul vəsaiti ilə yanaşı, texniki vasitələrin də ianə edildiyini diqqətə çatdırıb.
Texnikanın Laçın Şəhəri Günündə QDF-yə ianə edilməsini xüsusilə əlamətdar bir hadisə hesab edən Rəhman Hacıyev deyib: “İanə olunan minatəmizləmə texnikası işğaldan azad edilən ərazilərin minalardan və partlamamış hərbi sursatlardan təmizlənməsinə, nəticə etibarilə, orada məskunlaşacaq soydaşlarımızın təhlükəsizliyinin təmin edilməsinə böyük töhfə verəcək".
Bölmənin digər xəbərləri
